الرئيسية
أحدث الصور
التسجيل
دخول
من طرف اما اليوم انا جايبتلكم طريقة تخلي وجهك باذن الله ابيض مثل الثلج --لا-- ومو بس ابيض --ابيض وصافي وخالي من البقع ومثل بشرة الاطفال باذن الله وسهلة جدا بس عودي نفسك عليها وراح تشوفي انها اسهل من شرب الموية الطريقة فيها بعض النصائح لازم تعمليها وبالاضافة لخلطة امنة باذن الله امنة من كل الاثار الجانبية على المدى البعيد والقريب وبالعكس كل ما التزمتي فيها كل ما زدتي حلاوة وجمال.
*أول شي النصائح:
1-حاولي كل يوم الصباح تشربي على الريق عصير برتقال فريش او على الاقل يوم بعد يوم ان كنتي كسولة حبتين
2- حاولي قد ما تقدري تبتعدي عن الاكلات الحارة (الفلفل-البهارات)
3-حاولي قد ما تقدري تبتعدي عن الكاكاو ومشتقاته من شوكلاته وغيره وكذلك قهوة النسكافى
4-حاولي قد ما تقدرين تبتعدين عن اشعة الشمس الحارقة على الوجه مباشرة وخاصة على الخدود لانها تمتص اكبر قدر من الاشعة الضارة
الخلاصة:نحاول قدر الامكان شرب عصير برتقال فريش كل يوم والابتعاد عن الفلفل ومشتقاته والكاكاو والنسكافى...بس خلاص ----سهلة صح؟؟؟
*ثاني شي طريقة تبيض بشرة الوجه(طريقة امنة واكيدة وخلاصة تجارب كثيرة وماراح تندمي والله):مكونات الخلطة1-ريتن أ كريم 2-فيتامين e لون الحبة زيتي شفاف داخله زيت الفيتامين3-ماء ورد بس شوفي يكون اصلي او من نوعية ممتازة4-احد هذه الكريمات -كريم اللمسة الماسية لتبيض البشرة او كريم فيجي بي وايت و الاثنين ممتازين وعن تجربة وما فيهم كورتيزون ولازئبق
طيب الحين طريقة الاستخدام :
في البداية ما يلزمنا غير ريتن أ كريم بعد غسيل الوجه بصابونتك الحلوة الي تثقين فيها وانا افضل صابونة الباباي 3*1 الاصلية او صابونة A3او اي صابونة انتي تثقي فيها وما فيها ضرر---
المهم بعد غسيل الوجه تحطي كريم الرتين -أ- كل يوم المسا وتظلين عليه لمدة 40 يوم راح يصير تقشير بس لاتخافي يستخدم بس هذي المدة 40 يوم و خلاص ما عاد نحتاجه---- وهذي المرحلة ضرورية حتى نساعد البشرة على التخلص من الخلايا الميتة وتحفيز البشرة لانتاج خلايا جديدة شابة ....
طيب الحين خلاصنا ال40 يوم تقشير انتبهي هذي الطريقة نتائجها رروعة وتدوم لذلك التزمي وانتظر دعواتك..
.نجي للمرحلة الثانية المرحلة الثانية تتطلب الانتباه عدم التعرض للشمس ابدا على الاقل لفترة 2 يوم وكذلك مصادر الحرارة الدفاية او غاز المطبخ الحين جاء دور التبيض الدائم باذن الله بعد تخلصنا من الخلايا السمراء الميتة...
تختارين احد هذي الكريمات اللمسة الماسية لتبيض البشرة او فيجي بي وايت وافضل الاول لان فيجي كانهم غيروه في الفترة الاخيرة هم غاليين شوية بس تراهم افضل انواع الكريمات من ناحية الامان ....بعد ماتختارين واحد منهم تجبين علبة بخاخ وتحطيين فيها ماء الورد وتحطينها بالثلاجة عشان تستخديميها كل يوم رشة او رشتين على وجهك الصبح بعد غسيل الوجه بصابونتك وفي المسا تجيبين احد الكريمات الي ختارينها(فيجي او اللمسة الماسية) وتدهنيه حتى الصباح بعدها غسيل وكالعادة نرش ماء الورد بعد تجفيف البشرة من الماء----وبعد 15 يوم من استخدامنا لكريم التبيض نستخدم الصباح حبة فيتامين-أ- بالتناوب مع ماء الورد يعني يوم ماء الورد ويوم حبة فيتامين-أ- فيتامين -ا- لازم تكسري الحبة او تعصيريها حتى يطلع منها الزيت وتدهينها على وجهك القمر لازم حبتين او 3 في كل مرة لان حبة وحدة ماتكفي....وفي النهاية اقول لكم يا بنات ويا حماعة الخير ترا والله ما ابغى غير الدعوات الصالحة واطمنكم ان هذي الطريقة راح تعطيكي بياض يعني بياض حقيقي ومو يوم او يوميين ويروح مفعولها بياض باذن الله يظل معاكي للابد باذن الله اذا اهتميتي ببشرتك شوية بس يعني مثلا الجو صيف وفيه طلعت بر ولا هين ولاهين ادهني واقي شمس دهنة خفيفة ويعني قال على اساس من كثر مانطلع وبعدين حنا اقصد البنات معفيين من عمل دوريات الحرس يعني الموضوع بسيط فقط يبغالها نوع من الاهتمام .وانا متأكدة باذن الله انك راح تكونين راضية حيل وراح تستغربين من صفاء وبياض بشرتك لما تنظرين لنفسك في المرايا وراح تستغربين اكثر بنعومة وشباب بشرتك ...
والله طريقة خيال 11 سنة وانا استخدم خلطات وكريمات ولا حصلت نتيجة مفيدة احسن خلطة كان مفعولها مايدوم شهر ومن اول طلعت بر او شمس كان كل شي يروح ....بس هذي الخلطة بجد راح تشهقين لما تشوفي نفسك في المرايا وانا انصحك تاخذي لنفسك صورة تذكارية عشان تقارنيها بالنتيجة بعدين بس قولي ماشاء الله تبارك الرحمن .... والله يوفق الجميع وبانتظار صالح دعواتكم الطيبة
